.......♥♥♥.......

Qızlar bir-bir uçurlar,
Tələsin oğlanlarım.
Qızlar gəlin köçürlər,
Tələsin, oğlanlarım.

Gedim "gəlingörmə"yə,
Arxayınliq verməyə.
Məni sevindirməyə
Tələsin, oğlanlarım.

Tələsirəm yamanca,
Oynayım bir doyunca.
Tutmuşam sizə xonça,
Tələsin, oğlanlarım.

Anamız təkdir deyə,
Qəlbi kövrəkdir deyə.
Məni Nənə etməyə
Tələsin oğlanlarım.

Siz də, bir çiçək dərin,
Evimizə gətirin.
Ömr edək şirin-şirin,
Tələsin oğlanlarım.

Çıraqlar qoşa yansın,
Verib baş-başa yansın.
Evmiz nura boyansın,
Tələsin oğlanlarım.

Durmayın belə gendə,
Ötür ömür də, gün də.
Qaynana olum mən də,
Tələsin oğlanlarım.

Gəlini tez gətirin,
Şadlanaq biz, gətirin.
Qızım yox, qız gətirin,
Tələsin oğlanlarım.

Çağıraq dost, tanışı,
Toy edək yaxşı-yaxşı.
"Ətəkdən tökün daşı"
Tələsin, oğlanlarım.

Sevgi birdi, yüz olmaz,
Ürək sevgisiz olmaz
Sevən Qəlbə söz olmaz
Tələsin oğlanlarım
Tələsin, oğlanlarım...

Yazar: Mədinə GÜLGÜN.

.......♥♥♥.......