Sən getdin qaraldı gözümdə şəhər
Sevinc də qorxudan yaxın gəlmədi.
Insana bu qədər dərdmi verərlər
Taleyim üzümə baxa bilmədi.

Qoy yazım eşqinlə, varlığın ilə
Daha qələmimdə gözün qalmasın.
Səni düşünərək bircə bənd belə
Yazdığım şeirə şübhən olmasın.

Bir şeyi unutma nəinki sənin
Heç o günlərin də əvəzi yoxdu.
Heyif..sənə qarşı olan sevgimin
Miqdarın ölçəcək tərəzi yoxdu...