Bir azca yavaşdan yeri, sevdiyim,
Arxandan çatmağa dözüm qalmayıb.
Uzaqdan süzürəm o xoş camalın,
Yanına gəlməyə üzüm qalmayıb.

Mən özüm etmişəm, özüm bulmuşam,
Həsrətdən saralıb, yaman solmuşam.
Fəqanlar eyləyib, saçı yolmuşam,
Tükənib, deməyə sözüm qalmayıb.

Heyatım virandır, heyatım talan,
Dərd-sərim çoxalıb, olubdur "kalan".
Yalanla ömrümü eylədim Yalan,
Bir dənə gərçəyim, düzüm qalmayıb.

İstirab salıbdır qelbimi tora,
Ömrümü çevirib məzara, gora.
Sənsizkən dönmüşəm şikəstə, kora,
Sevdiyin "o gözəl" artiq qalmayıb.

Qəm-kədər yoluma qurubdur tuzaq,
Bir yanım borandır, bir yanım sızaq.
Qəribəm, hər kəsdən düşmüşəm uzaq,
İnan ki özümdə "özüm" qalmayıb.