Uzag ( Ozan Elmir Abbasoglu )

Səni görsəm mən əgər qüssə, kədər, qəmdən uzaq
Olacaq ruhum o dünyada cəhənnəmdən uzaq.

Ayırıb könlümü candan, desələr Leyla sənə
Qaçaram səhrada Məcnun kimi kölgəmdən uzaq.

Hər ötən gün düşünüb fikri-xəyalımda səni
Yaşayıb ömredirəm dövri-zəmanəmdən uzaq.

Görürəm rəsmini baxdıqca ay-ulduzlara mən
Yaşayır bəlkə də eşqim bəşər aləmdən uzaq.

Vurulub Gəncə çölündən yetişən nazlı gülə
Niyə düşdüm görəsən qırmızı laləmdən uzaq?

Yanıram, gəl mənə bir damla su ver, düşdü yenə
Qara qəlbim o gözəl, nurlu şəlaləmdən uzaq.

Ümid etdim ki, gəlib dərdimə dərman eləsin
Bu qədər saxlamasın xəstəni məlhəmdən uzaq.

Mən Ozan, könlümə düşdükcə yarım, fikrə gedib 
Yazıram bir payız axşam çağı ölkəmdən uzaq.