Ey məni özünə can bilən caniiim,
Canımdan can çıxır, hardasan
indi?
Deyirdin "-kədərə atmaram səni",
Həsrət məni yıxır, hardasan indi?
-Canımdan can çıxır, hardasan
indi?

Incidir ağrılar, artır hər zaman,
Bu gündən sabaha qalmayıb
güman.
Başımın üstünü bürüyür duman,
ildırım tərs çaxir, hardasan indi?
-Canımdan can çıxır, hardasan
indi?

Qoymusan eşqimə əngəl, qadağa,
istirab salıbdır məni yatağa.
Sənsizkən məhkumam tənha
otağa,
Otaq məni sıxır, hardasan indi?
-Canımdan can çıxır, hardasan
indi?

Ucalıb harayım, ucalıb naləm,
Səsimi dinləmir, eşitmir aləm.
Zəhərlə doludur eşqi-piyaləm,
Gözümdən qan axır, hardasan
indi?

-Canımdan can çıxır, hardasan
indi?
Gedərək etmisən çaşqın Qəribi,
Sellərə qatmısan daşqın Qəribi.
Qəribəm, olmuşam eşqin Qəribi,
Eşqin ürək yaxır, hardasan indi?
-Canımdan can çıxır, hardasan
indi?