Könül yaddaşımın silinməz adı,
Mən Səni unuda biləcəyəmmi?
Mənə eşq öyrədən həsrət ustadı,
Mən səni unuda biləcəyəm mi?

Qəlbim də, yurd yuva salandan sonra,
Gözlər danışdığı o andan sonra,
Məhəbbət ALLAH`ım olandan sonra,
Mən səni unuda biləcəyəmmi?

Ölüm notu çalan Tar olsan belə
Bahar da, bəxtimə Qar olsan belə
Bir gün özgəsinə yar olsan belə,
Mən səni unuda biləcəyəm mi?


Hicranın böyükmüş Mənim yaşımdan,
Niyə silinmirsən Qəlb yaddaşımdan,
Bir gün oxuyursan Məzar Daşımdan:
"Mən Səni Unuda Biləcəyəm mi?