Sərt sözlərin bənzər oxa,
Mən həsrətlə əlbəyaxa,
Bax gözümə baxa-baxa
Gözlərində itir məni.


Sıxıcıdır artıq bura,
Gələcəyəm desən hara,
Götür apar Xəyallara
Yenə geri gətir Məni.


Sən özgəyə qoyma Məhəl,
Vəfalısan, həmdə gözəl
Ölsəm belə arxamca gəl,
O, dünyaya ötür məni.


Saf eşqimin Ürəyisən,
Qəlb mülkünün dirəyisən,
Xəyalımın Mələyisən,
Qanadında götür Məni.

Şeir yazdım aç oxu Sən,
Ona Baxıb yad et hərdən,
Özüm haqda yazmışam Mən,
Oxu sətir-sətir Məni.


Dilimdədir adın əzbər,
Sevdiyini Səndə göstər,
Özün çiçək telin əmbər,
Məst eyləyir ətrin Məni.


Şeir yazmaq Məharətdir,
Buna təbim məcbur etdi,
Deyəsən çox uzun getdi,
Şeir deyir "Bitir" Məni..!