Bu gecəyə ad qoyaq -
İz salsın yadımızda...
Deyək: “Bu O gecəydi!”
Azacıq sərin külək, bir az da bahar tamı
qalsın dodağımızda -
elə bil indicəydi.
Hopsun saçlarımıza ruhumuzu məst edən
məhəbbətin qoxusu!
Sevgimizin xətrinə sabaha peşkəş olsun
bir gecənin yuxusu.
Üfüqlər saralınca
nəvazişlər bitməsin!
Belə füsunkar gecə
başqa günlərimizə qarışmasın,
itməsin!
Durmadan dayanmadan
“sevirəm” sayıqlayaq -
həm mürgülü, həm oyaq!
Dönə-dönə,
yenidən yaşayaq bu axşamı,
Bu gecəyə ad qoyaq!

...Ötüb keçməyi yox ki! –
Gəl bütün gecələri
eşqimizə mat qoyaq!

Afaq Şixli_