Və gəl gör ki, hər damla göz yaşımda yenə də səni axtarıram...

Şəhərin bütün küçələrinə hopub təkliyim, sənsizliyin künc-bucağındayam sanki...
Ovuclarımda qırıq - sökük peşimanlıqlar...
Bütün ümidsizliyimə inad, yenə səni axtarıram...
Yüngülcə bir yağış ağlayır mənimlə, bir dəli külək saçlarımda...
Təklikdən üşüyürəm...
Tapa bilməyəcəyimi bilə-bilə yenə səni axtarıram...
İzah edəcək nələrim var, bir bilsənə...
İçim üsyanlarla dolu, özümü sürgünə vermişəm...
Xoşbəxtliyim çoxdan kasıblaşmış, etiraza haqqım yox...
Bilirəm məni müdafiə etmək sənə düşub...
Səni axtarıram, yarım qalmış şeirlərim kimi...
Yaşanmamış uşaqlığımsan xatirələrimdə, elə əskiyəm ki, sənsiz...
Elə sahibsizəm ki...
Bütün ümidlərə əl yelləyib gedirəm, içimdə gecikmişliyim, çarəsizliyim...
Uşaqlar kimi ağlayıram...
Və gəl gör ki, hər damla göz yaşımda yenə də səni axtarıram...