Qoruya bilmədin əmanətimi,
Indi də ağlama mənsiz günlərə...
Sənə vəd etdiyim əmanətimi,
Mən də qurban etdim sənsiz günlərə.
Ürəyimi geri istəyirəm mən,
Geri istəyirəm xatirələri...
Bu yükə qəddimi tez əyirəm mən,
Sənki yaşatmısan mənə nələri....
Ayrı düşdüm səndən, gör nə zamandı,
Bircə gün günəş də doğmadı mənə.
Çox dedim, qəlbimi qırma, amandı,
Mənə yağan qarlar yağmadı sənə...
Qarşılaşsaq bir gün, sənin yanından,
Səssiz səmirsizcə ötəcəyəm mən.
Sənin mənlə bağlı hər bir anından,
Xəyaltək yox olub itəcəyəm mən.
Sən bu ayrılığı özün seçmisən,
Sənə yad olmuşam, mənimmi günah?
Sevgilini silmisən, məndən keçmisən,
Indi nədir sənin çəkdiyin bu ah?
Bu peşimanlıqla məni izləmə,
Bilmirəm dünyanın harasındayam.
Sənə dönməyimi məndən gözləmə,
Sevgiylə nifrətin arasındayam...