Mən bir qadınam - doğulduğum zaman ailəmə uşaq sahibi olmanın xoşbəxtliyini yaşatmaqdan başqa nəsli davam etdirə bilməmək qabiliyyəti daşımadığımdan çox vaxt “övlad” sayılmayan...

Mən bir qadınam - məktəbdə qardaşlarıma "Neçə uşaqsınız" sualı verildikdə “İki qardaşıq, bir də... bacım var” cavabı verdirən.

Mən bir qadınam - ilk oyuncağı gəlincik olan; çünki böyüdüyü zaman ən əhəmiyyətli işi uşaq doğub baxmaq olacaq olan...

Mən bir qadınam - bir az tənbəl və nadinc olsam, "erkək Fatma" adlandırılan ...

Mən bir qadınam - "sakit ol, xanım ol, heç kimə baxma" sözlərini çox kiçik yaşlarda eşitməyə başlayan...

Mən bir qadınam - ev işlərini öyrənərək keçirdiyim uşaqlığım üzündən inkişaf etdirə bilmədiyim bir çox qabiliyyətimi ortaya çıxarma fürsəti tapa bilməyən...

Mən bir qadınam - "Oxuumağı neyləyir, onsuz da ərə verəcəyik" deyilən.

Mən bir qadınam - adətlərin zəncirindən özünü qurtara bilməyən... etik cinayətlərə qurban gedən ...

İşlənən cinayətdə həm qurban, həm də günahkar olan...

Mən bir qadınam - küçədə hücuma məruz qalsa, "Əcəb oldu, o saatda orada nə işi var idi" deyilən...

Mən bir qadınam - eyni işlə məşğul olduğum bir kişidən daha az qazanan... evdəki əməklərim isə heçə sayılan ...

Mən bir qadınam - hər bir uğur qazanan kişinin arxasında dayanan... Amma heç vaxt öz uğurları yada salınmayan...

Öz əri üçün dayanmadan işləyən...

Mən bir qadınam - mənə söylənn gözəllik anlayışları içində çırpınan ...

Mən bir qadınam - qazanc əldə etməyə çalışdığım hər işin arxasında qəribə yataq otağı hekayələriylə xatırlanan ...

Mən bir qadınam - doğulduğu zaman atasına, evləndikdən sonra ərinə aid olan...

Mən bir qadınam - cazibədar ayaqlarıyla xatırlanan və dünyanın ən böyük şairlərindən biri üçün belə 'bizim" qadınlarımız olan.

Mən bir qadınam - müvəffəqiyyətli kişi nəslinə ilk günahını işlədən ...

Bəli, mən bir qadınam - gələcək gözəl günlərə hamilə...

İçində daşıdığı ümidi sabahlara təqdim edən.

Qarların arasından