Bir vaxt göz yaşımı qurudacağam,
Sən hicran selində islanacaqsan.
Elə ki mən səni unudacağam,
Onda sən sevərək bağlanacaqsan.
Dostluq edəcəksən hər gün
dərdinlə,
Məşğul olacaqsan sevgi dərsinlə,
Mənsiz yoxsullaşmış kasıb
qəlbinlə,
Şeirimi oxuyub varlanacaqsan.
Hər an qarşılıqsız səni sevdimsə,
Mənim tək sevmədi səni bir kimsə,
Əlini əlimlə isidirdimsə,
Özgə qollarında tez donacaqsan.
Baxarsan taleyin qəm kədər sarıb,
Mənə etdiyini sənə qaytarıb,
Nəmlənmiş gözlərlə məni axtarıb,
Gördüyün hər kəsi "mən"
sanacaqsan.
Allahdan dilərsən sıxılıb küncə-
"Kaş görüm bir dəfə onu ölüncə"
Gəlib "xəyalımdakı sən"i görüncə,
Özünü özünə qısqanacaqsan..
müəllif: NİZAMİ FÜZULİOĞLU