Sən payıza,mən də sənə həsrətəm...
Dənizə bax,susub durur hey yalqız,
Görən niyə tez gəlmişdir,bu payız.
Yarpaqlarda daş bağlamış möhnətəm,
Sən payıza mən də sənə həsrətəm.
Budaq atmış dalğalara, min dilək
Sevdasından söhbət açır hər ürək.
Saralmışdır,xiffətindən gül-çiçək,
Sən payıza mən də sənə həsrətəm.
Yerdən aldım,bir saralmış yarpağı,
Gördüm yaman qucaqlamış torpagı.
Qırmaq olmur səndən gələn bu bağı,
Sən payıza,mən də sənə həsrətəm...