Gözlərinə baxa-baxa
mən bir ömür yaşamaqçün sevdim səni...
Ayrılmaqçün sevmədim ki!
Yalnız mənim olduğunu,
necə yaşa dolduğunu izləməkçün sevdim səni...
İtirməkçün sevmədim ki!
Sevdim səni unudaraq dərdi, qəmi…
Çəkə-çəkə həsrətini,
xəyallarda tutdum, gülüm, əllərini...
Hər an, hər gün
sadiq qalıb öz sevgimə,
sarıb səni ürəyimə
nə düşündüm,
Bir bilsəydin... bilmədin ki...
əl uzadıb vüsalına qovuşmaqçün sevdim səni...
Unutmaqçün sevmədim ki!