Bilmədin, nə vaxtsa qayıdacaqsan,
Xatirəm köz kimi yaxacaq səni.
Bahar gözlərimdən qığılcım qopub,
Ürəkdən həsədlə atacaq səni.
Bilmədin,vüsalın gözləri yaşlı,
Xəfif titrəyişiylə doluxsunacaq.
Bilmədin, dünyada bu başı daşlı,
Qəlbin atəşində od qovuracaq.
Bir anın hökmüylə duracaq dünyan,
Nifrətin sevgini əzib keçəcək.
Bilmədin, yıxılıb eşqin üfüqdən,
Qürubun üzünə hopub köçəcək.
Kağızlar üstündə doğan ümüdin,
Bükülüb künclərə yuvarlanacaq.
Bilmədin, kədəri boğan ümidin.
Nə vaxtsa yollara hey boylanacaq.
Köçüb yadlaşacaq bu qara sevdan,
Ömürlük ruhuna hakim olacaq.
Bilmədin,sevginin xumarlarından,
İsti öpüşlərin izi qalacaq.