Bəlkə hələ
“Əlvida”nı
Sənin kimi gözəl deyən olmamışdı...
Ürəyə də belə sakit,
Belə rahat
Hələ dəyən...
Bəlkə, hələ sənin kimi
Sevgisinə dəfələrlə,
Şirin-şirin andlar içən olmamışdı,
Və sonra da
Birdən-birə soyuqluqda qışı keçən...

Bəlkə hələ,
Mənim kimi
Öz içində ağrı çəkən olmamışdı...
Acı-acı yaşlar tökən
Amma,
Səni görən zaman,
Yalan-yalan gülümsəyib
Hisslərini didib-sökən...

Olmamışdı bəlkə elə,
Bu dünyada bizim kimi iki insan -
Biri - deyib sevəmməyən...
Biri - sevib deyəmməyən...