Səs özgənin deyil,mənim səsimdir
Ölürəm,bəlkə də son nəfəsimdir
O bircə kəlmən də mənə bəsimdir
Götür telefonu zəng elə mənə

Səsimi eşidib,atarsan yerə
Məni səssizliyə batırarsan yenə
Özün istəyinə çatarsan yenə
Götür telefonu zəng elə mənə

Kədər hörük-hörük, dərd qulac-qulac
Gözü tox gözlərim məhəbbətə ac
Bu qulaq bir kəlmə "ALO"ya möhtac
Götür telefonu zəng elə mənə

Qəlbinin səsiylə barış bir dəfə
Məni ovutmağa çalış bir dəfə
Sənə qurban olum,danış bir dəfə
Götür telefonu zəng elə mənə