Ag reng:

Yuxulu körpənin təbəssümü.
Ümid.
Təmənnasız yaxşılıq.
"Sizdə xərçəng yoxdur"
sözlərinin deyildiyi dəqiqə.
insan səadətinə səbəb olan hər şey...
hətta,
təsəlli üçün deyilmiş yalan.
Bir də insan ülfəti.


Qara:

Namərd düşmən.
Şüurdan gizlənmiş qorxu.
Əbədi ayrılığın ağrısı.
Yaşamaq üçün sürünənlərin çoxu.
(Şikəst olub sürünənlər xaric)
Ağ yalan.
Dodaqları yandıran ah.
Edam gününə açılan sabah.
Ləkəli sözlər.
Gözlərin alovu.
Saçlar, qaşlar.
Qaranəfəs olmuş ceyranın əti.
Birdə
bəzi insan niyyəti.

Heyatdan parca:

Yuxularım rənglidir
həyatın özü kimi
Yaxşı, pis insanların
əməli, sözü kimi.
Düşündüm:
qara rəngi,
gərəksiz insanların,
səksəkəli, calaşıq
yuxularına atım.
Rəngli yuxularımı
canlı, rəngli dünyamın
minbir çalarlı,
əlvan
Ölməzliyinə qatım.
Yuxular da həyatın
bəzən eyni,
bəzən də dəyişik aynasıdır.
Nə qədər şirin olsa
insan,tez-gec,
yuxudan
bir vaxt oyanasıdır.
Ancaq, qara yuxudan
oyananda sevinib
dərindən nəfəs alsaq;
Əlvan rəngli yuxudan
oyananda,
təəssüf, nigaranlıq duyğusu
qəlbimizə dolmasın.
Rəngli əlvan yuxular
uğurlu olsun,
ancaq,
təkcə yuxu olmasın.