Yenə sən göründün bu gün gözümə
Deyəsən xoşbəxtsən,gülürdü üzün
Düşünüb danışdım özüm-özümə:
"Yoxmudur mənə bir deyəcək sözün?"

Hər dəfə yanından susub keçirəm
Məni lal edibdi yoxluğun sənin
"Sənsizlik"adlı bir yolu seçirəm
Bir mənəm,burda yox izi kimsənin.

Bu yolun bilinmir,varmıdır sonu
Qorxum yox gedirəm,mən təkbaşıma.
Açmaqçün buz tutmuş qəlbimin donun
Bəlkə də çıxarsan mənim qarşıma.

Amma yox,xəyaldı,gələn deyilsən
Arxamca sürünən kədər olacaq
Nə günlər görəcəm,bilən deyilsən:
Səndən uzaqlarda canım yanacaq