Buludlar əriyib yağışa dönəndə
Mən səni ehmalсa göylərdən endirdim,
Qarşımda dayandın nazənin‐nazənin,
Danəndə‐danəndə,
Üzümü nur saçan tərəfə çevirdim – Tanrı nə bəxtəvər yaratmış aşiqi!
Gözəllik ilahəm, gözümün işığı,
Səni çox sevirdim.

Şimşəklər çaxanda, parlayıb sönəndə,
Yağış vüсudunu oxşayıb öpəndə
Deyəsən bir anlıq huşumu itirdim –
Qəlbi kövrək olur sevdaya düşənin;
Səni çox sevirdim,
Səni çox, lap çox sevirdim.
Göyün maviliyi sularda əks edər,
Suların üstündə dalğalar rəqs edər,
Ağlayar, sızlayar qüssəli buludlar,
Tökülər yağışlar, bulanar göy sular,
Belədir təbiət...
Sevgi ondan betər –
Ya ömrə bəzəkdir, ya ömrü puç eylər.

Mənim nakam eşqim,
Səni tez itirdim,
Sanki uсa dağlar yerindən sürüşdü,
Varlığım sarsıldı, ruhum xəstə düşdü,
Bəxtimlə qovğaya girdim –
Sevdalı dünyamı təmamə yetirdim.

Küləklər rəqs edər, səs səsə сalanar,
Mavi səmalarda bir mahnı dolanar:
Səni çox sevirdim,
Səni çox, lap çox sevirdim.