Çarpayım boyuma qısa, ömrüm həsrətinə,
Ürəyimdən keçən nəğmələrin
Ləpir yerində laxtalanar qanım.
Gecələr adını yazıram,
Evimin divarlarına,
Üstəgəl mənim adım,
Bərabərdi məhəbbət.
Səhər
günahsız uşaqları
Döyərəm yalandan.
Evimin divarında
Hördüyü hörümçək torunda,
Bir qoca hörümçək oldu bu gecə yarı,
Tor saplarında
İçi yeyilmiş kəpənək günlərimin
Quru qanadları,
Haçansa günlərin bir günündə
Bir telefon dəstəyini
Bıçaq dəstəyi kimi
sıxacaqsan əlində,
deyəcəksən:
- gözləmə bəsdi canım!
Amma.... bağışla məni xanım,
Gözləyirəm səni yenə..... yenə...
Çarpayım boyuma qısa, ömrüm həsrətinə...