Gedişin gətirdi qəmi, qüssəni,
Qəlbim sevə bilməz daha kimsəni,
Hər gecə röyamda görürəm səni,
Yuxumu apara bilməyəcəksən.

Getdiyin yollara həsrətlə baxdım,
Dəniztək kükrəyib, çay kimi axdım,
Mənimlə qalacaq bu qara bəxtim,
Bəxtimi apara bilməyəcəksən.
Günahın qarşma çıxacaq sənin,
Tənhalıq qəlbini sıxacaq sənin,
Ahım yandıracaq yaxacaq səni,
Ahımı apara bilməyəcəksən.
Gözümün yaşını silsəm də belə,
Sənsiz dərdli-dərdli gülsəm də belə,
Mən sənin dərdindən ölsəm də belə
Ruhumu apara bilməyəcəksən...