Dəyməz kimsənin qəlbinə,
Hər sözünə diqqəti var.
Acı söz gəlməz dilinə,
Şirin sözü söhbəti var.
Baş tacıdır sədaqəti,
Bağışlamır xəyanəti,
Qadın qüruru iffəti,
Kişi kimi qeyrəti var.
Deyir hicabdır qüruru,
Əməlində yox qüsuru,
Çöhrəsində iman nuru,
Allaha məhəbbəti var.
Meyli yoxdur dağa sola,
Həris deyil vara pula,
Nümunədir anlayana,
Hər əməldə ibrəti var.
Ədəbə uyan geyim əyin,
Qəlb oxşayan sadəliyin,
Iman ədəb gözəlliyin,
Vücudunda vəhdəti var.
Qulağımdan getmir səsi,
Məna dolu hər kəlməsi,
Hər addımda xatirəsi,
Hər anımda həsrəti var.
Dedim gəl əl ələ verək,
Ömür yolun birgə gedək,
Qalan ömrü bir keçirək,
Qəlbimin saf niyyəti var.
Özgəninəm iş belədi,
Unutmağa çalış dedi,
Bu taledir barış dedi,
Hərənin öz qisməti var.