Yağış yağır bu gecə qəmli yağır,
Qaranlıq otaqda,açıq pəncərə.
Sevgimin gözlərindən yaş axır,
Titrəyən səsimlə dedim gəl mənə.

Göylər ağlayır sanki halıma,
Təkliyim əzabım olubdu bəsdir.
Tənhalıq soyuğu düşüb canıma,
Mənə sevgi demə yoruldum bəsdir.

Sevinmək elə bil günahdır mənə,
Gülməyi kədərə dəyişdirmişəm.
Əl açıb işıqlığa qaçmaq istədim,
İşığı qaranlıqla dəyişdirmişəm.

Üstümə gəlməklə çox səhv edirsiz,
Mənim xəyallarım suya düşübdür.
Bağlıyam deyənlər,tez tərk edirsiz,
Sevib,sevilməyim suya düşübdür.

Hər şey yalandır,yuxularım tək,
İnsanlar inamsız,yalandır dünya.
Saflığı dəyərdən salan insanlar!
Güllələmək istədim inanın tək tək.

Səbrlə gözlədim,o an gələcək,
Zamanla düzələr yaralı qəlbim.
Məni olduğum kimi bilib sevəcək,
Sevgi məhəbbəti vəsf edən qəlbim.

Müəllif hüququnu pozana Halallıq verilmir! Emil Ağayev