Kimsəm yox təsəlli edəcək məni,
Üzümə gülənlər,arxamca hürdü.
Günahkar etdilər səbəbsiz məni,
Önümə gələnlər geriyə döndü.

Yalan təsəllilərə arxamı çöndüm,
Sən demə təsəlli verən özüməm.
Bir daha anladım insan insanın,
Yalan deyərmiş baxıb gözünə.

Etibar etmək olmur kimsəyə,
Yaxşılıq edənlər yazır nisyəyə.
Başına vururlar etdiklərini,
Qarşılıq versəndə,əvəz etsəndə.

Vicdan məhbusu olmamaq üçün,
Gərək o şərəfə laiq olasan.
Əl tutmaq Əlidən qalıb deyirlər
Hər zaman əl tut et yaxşılığı.

Kürəyim bıçaqdır,bıçaq üstünə,
Baltası özgənin,sapı mənimdir.
Günah qar kimi yağır üstümə,
Ümid mənimdir,sevgi sənindir.

Müəllif hüququnu pozana Halallıq verilmir! Emil Ağayev