Tərk edib birini getməyə nə var?!
Hünərin çatırsa qalmağı öyrət!
Ürəyi viranə etməyə nə var!
Oxşayıb könlünü almağı öyrət.!
Yollara dikilən dəmli gözlərə,
Qurumaq bilməyən nəmli gözlərə,
Kədərli gözlərə, qəmli gözlərə,
Sevincdən boşalıb, dolmağı öyrət!
Eşqimə qanad ver uçması üçün,
Körpədir sən əl tut qaçması üçün,
Ətirli güllərin açması üçün,
Vaxtında çiçəyə solmağı öyrət!