Oğurlamaq istəyirəm bir qəlbi
Suç üstündə tutulmaqdan
qorxuram.
Təslim edər qara gözlər məni də
Necə danım axı haqqdan qorxuram.
Qəlbim səndən yetərincə küs
görüb,
De neynirsən bu gülləri
bəs dərib?
Mən vəfasız insanlara səs verib
Sırasına qatilmaqdan
qorxuram.
Saçlarıma qırov kimi yağır dən,
Barı qoyma duyğularım qala kəm.
İstəyirəm təkcə səni düşünəm,
Mən özümə qapılmaqdan
qorxuram.
Alıb gedir səni durna qatarı,
Gedirsənsə dünyamızı böl yarı.
Qığılcımlı baxışımdan qaç barı,
Gözlərindən od almaqdan
qorxuram.
Şərik oldum hər dərdinə,
sərinə,
Boğuluram mən getdikcə
dərinə.
Necə dönüm eşqin ocaq
yerinə?
Tonqal olub çatılmaqdan
qorxuram.
Xoşbəxt olar sevilərsə hər
ürək,
Yaşayıram əzabını sevərək.
Xəyanətin hərracında əşya tək
Yad ürəyə satılmaqdan
qorxuram.
gozum ağlar bagrin həsrət
didəndə,
Bu sevdanı ağlar qoyub
gedəndə.
Dünya kimi vəfasızsan bil sən də...
Bilirdin ki, atılmaqdan
qorxuram.