Bu gün 8 martdır sənin bayramın
Nə hədiyyə alım bilmirəm canım
Azı bir dəstə gül, bir qutu parfum
Düzü heç onada çatmır imkanım.
Bəlkə kontur alım 2 manatlıq
Balansını artır, hə nə deyirsən?
Əslində məndən çox sənə lazımdır
Onsuzda çox vaxtı sən zəng edirsən.
Qabarlı əlləri fəhlə cibimə
Saldım 3-cə manat birdə xırdavat
Birdə metro kartım onuda satsam
Nə almaq olarki, cəmi 5 manat.
Fikirləş ey beyin bir variant tap
Biyabır eləmə məni bu gündə
Aha deyəsən tapdım, kitaylar ucuz
Duxular satırlar dalanda-tində.
Bəlkə onlardan alım başqa çarəm yox
Kasıbçılıq edib üzümü qara
Hamı öz yarına qızılgül alır
Al-əlvan boyanıb baxırsan hara.
Gedib yaxınlaşdım çiçək satana
8-manatada qızılgül olar?
Qoy məndə yarıma gül bagışlayım
Qiymətin bir azca ucuz et nə olar.
Beləcə kor peşman gəzəndə gözlər
Düz yanımdan ötən qıza sataşdi
Sanki səhv salmışdı təbiət şehi
Əlində qızılgül gözləri yaş lı.
O nədən ağlayır,nədən üzgündü
Bu işə biganə qala bilmirəm
Hədiyyəsidə var bəyaz qızılgüldü
Hansiki mən indi ala bilmirəm.
Əlləriylə əzib ağ ləçəkləri
Atdı ayağımın yanına düşdü
Mənim həsrət ilə baxdığım gülə
Kimi qaşın çatdı,kimi gülüşdü.
Üzüb bir xanımın qelbini sonra
Bahali hədiyyə etmək əbəsdi
Hədiyyə istəmir xanımlar bizdən
Sevib sevilməkdə onlara bəsdi.
Ordan uzaqlaşdım əlim cibimdə
Fikirdə vermədim heç hədiyyəyə
Göruşə tələsdim bu bayram günü
Amma hər şeydən çox onu görməyə.
Bayramın mübarək ay ömrüm günüm
Gözlərdə təbəssüm əlimdə Nərgiz
Bundan daha gözəl hədiyyə varmı?
Sevdalı baxışlar səzsiz-səmirsiz!