Yol tapıb zirvəyə çıxmağa nə var?
Ləkəsiz zirvəni enəsən gərək.
İnsanda gərəkdir namus, həya, ar,
Həyalı danışıb dinəsən gərək.
Çalış ki, sən irəlini görəsən,
Hörmətli ol, xalqa xoş gün dilə sən.
Yaxşı ilə yamanı seçə biləsən,
Mərd olub mərd ilə gəzəsən gərək.
Dünyanın sirrindən bas açmaq olmaz,
Bir dəfə yeməklə qarın tox olmaz.
Düşün ki, bu dünya mənə də qalmaz,
Həyatda yaxşı gün görəsən gərək.
Dost olma namərdə uyma nadana,
Sirr sözünü nə anlaya nə qana.
Tərmeyxanın sözlərini gəl sına,
Sınaq yollarından keçəsən gərək.