Aşıq Ələsgər
Ələsdüdən bəli dedim,
Nə xoş kam aldı yüküm;
Beş gözəlin aşiqiyəm,
Vəsfi camaldı yüküm;
Həm dərindi, həm dayazdı,
Həm acıdı, həm də şirin,
Zəhmətdə zəhri – həlahil,
Ləzzətdə baldır yüküm.
Nütfəsində əyri olan
Tez göstərər isbatın;
Hər ağac kökündən bitər,
Hər meyvə gözlər zatın.
Hərcayı hədyana sayar,
Naşı bilməz qiymatın;
Əhli – ruhan məclisində
Gövhər misaldı yüküm.
Biçarə Aşıq Ələsgər,
Sığın şahi - Heydara;
Onun damənindən tutan
Məhşərdə yanmaz nara.
Pirim mənə nüsrət verib,
Bu gün çıxdım bazara;
Sən sərrafsan, aç xırd elə,
Bax gör nə maldı yüküm!