Qəlbində olanı deməzdi dildə,
Onun bu adəti yadıma düşüb.
Nəysə maraqlıdı, bu neçə ildə
Görən həyatında nələr dəyişib?
Bu qəmli gözləri qurutmamışam,
Hər gecə gözümün yaşın tökürəm.
Görəsən bilirmi unutmamışam?
Görəsən bilirmi nələr çəkirəm?
Anladım sevgidən doymadıgımı,
Hər gecə gəlmirsə eşqin pərisi.
Üzündən öpməyə qıymadıgımı
Görəsən öpürmü özgə birisi?
Qoy gəlib qəlbimdən halallıq alsın,
Ona da pay elə dərddən, kədərdən.
Qayıdıb gəlməyi bir yana qalsın,
Görəsən yadına düşürəm hərdən?
Görəsən itirdim aglımı yəni?
Bəs nədir qəlbimi belə çaşdıran..
Görəsən odurmu hər gecə məni
Bu qədər ölümə yaxınlaşdıran?
Axır ki anladım son həqiqəti,
O gözəl ömrümün oyunçusudu.
Görəsən ömrümün ilk məhəbbəti
Kimin həyatının sonuncusudu?
Həmin o yuxudan oyanardım gec,
O sənli günlərim olsaydı yuxu.
Demişdin - mən səni unutmaram heç...
Görəsən nə oldu? Unutdun axı...