Ölənlər çox oldu, ibrət götürdük?
Ölüm yaxınlaşdı, növbə ötürdük.
Dünyada hər cildə, hər dona girdik.
Məhşərə getməyə üz qoymamışıq.
Gördük yüngüllüyün ağır kəlmənin.
Qurbanı olmuşuq sərt düşüncənin.
Ömür uzun cümlə, biz bu cümlənin,
Durğu işarəsin düz qoymamışıq.
Bu ömür yolların asan gəzmişik.
Ayaqlar yorulub yaman gəzmişik.
Özgənin gözündə tikan gəzmişik.
Doğma nöqsanlara göz qoymamışıq.
Satdın vətənini, öl yerə girdəə..
Çıx denən satqınam canlı efirdə.
Demə arsız-arsız Aztv1-də.
Torpaqlar gedirdi, biz qoymamışıq.
Nə doxsan olmuşuq, nə də, yetmişik.
Yüzə çatmaq üçün vədd eşitmişik.
Yeganə Allaha səcdə etmişik.
Başqa cür torpaqa diz qoymamışıq.
Dəyərin bilirik yaxçı kəlamın.
Sözü zay eyləmə, gözlə məqamın.
Sözünü vaxtında deyən adamın,
Sözünün önünə söz qoymamışıq.
Dünyada iz qoymaq çətindir, çətin.
Elə bil almışam heykəl surətin.
Dilim ürəyimin edir söhbətin.
Hələ bu dünyada iz qoymamışıq.
Məhşərə getməyə üz qoymamışıq.