Qəlbimdə közərən ocaqdan
deyim..?!
Bəxtimin küsdüyü bucaqdan deyim..?!
Dərdimin açdığı qucaqdan deyim..?!
Sən özün kömək ol, Pərvərdigarə...!
Bu həyat başımı qatdı xam kimi..
Sevinc mənim üçün arzu, kam kimi..
Əritdim ömrümü nə tez, şam kimi..
Sən özün kömək ol, Pərvərdigarə...!
Kədər bir ümmandır, mən də bir gəmi..
Tərk edə bilmirəm kədəri, qəmi..
Başıma fırlanır bu qəm aləmi..
Sən özün kömək ol, Pərvərdigarə...!
Onsuz da üstünə gedirəm...bari..
Qəm-kədər gəlməsin kaş mənə sari..
Arzular-bir ömür, ömür də yari..
Sən özün kömək ol, Pərvərdigarə...!
Eşqimdə qəlbimi atmışam oda..
Yoxdur hala yanan, qəlbim yansa da..
Ya al bu canımı, qurtulum, ya da..
Sən özün kömək ol, Pərvərdigarə...!
Qəlbimdə coşdu "söz", demək olmadı..
Nə qədər sərf etdim əmək...olmadı..
İnsan övladından kömək olmadı..
Sən özün kömək ol, Pərvərdigarə...!