Tələsmirəm vaxt-vədəsiz ölümə,
Mən hazıram bundan betər zülümə.
Bu qaranlıq,viran olmuş ömrümə
Gətir bir də çiçəkli yaz,Allahım...!
Ümidlərim boşa çıxıb itəndə,
Arzulara xəyallarda yetəndə.
Bir gün ömür başa çatıb bitəndə
Deməsinlər yaşayıb az,Allahım...!
Saçlarıma düşən bu dən nədəndi,
Möhnətdəndi,zillətdəndi ,nədəndi.
Qismətimə,mənim,kədər ələndi,
Taleyimi yenidən yaz,Allahım...!