Su tökən olmadı, bağrım yananda,
Qanmazda yan ötdü, vallah
qananda,
Belə bir dövranda, belə zamanda,
Doğulmazdım, ixtiyarım olsaydı...
Gözlərimi torla hörməmək üçün,
Nadanlarla ömür, sürməmək üçün,
Bu çirkin dünyanı görməmək üçün,
Doğulmazdım, ixtiyarım olsaydı...
Kimisə yalanla ovutmaqdansa,
Özümü imandan soyutmaqdansa,
Günaha bələnib qayıtmaqdansa,
Doğulmazdım, ixtiyarım olsaydı...
Mən nə karəyəm ki, xəlq edib əlbət,
Qəbuldu çəksəm də əzab-əziyyət,
Bilsəydim ki, tapdalanır ədalət,
Doğulmazdım, ixtiyarım olsaydı...