İllər boyu çəkdim səni,
Hey oldun ömrümün təni,
Əldən saldın, yordun məni,
Bir az da dərd, sən məni çək.
Yandı qəlbim, yandı bağır,
Nə görmüsən məni fağır?
Çox da deyil yüküm ağır,
Bir az da dərd, sən məni çək.
Qoy düşsün xal qəlbinə,
Yük eləyib, al qəlbinə,
Mənim kimi sal qəlbinə,
Bir az da dərd, sən məni çək.
Əldən düşdüm, yordun yaman,
İnsaf elə, ver bir aman,
Çəkdim səni, bunca zaman,
Bir az da dərd, sən məni çək.
Bir az da dərd, sən məni çək.