Şübhən olmasın.. Həsrət
neyləyəcək qəlblər yaxınsa,
Dilə nə gərək var gözlər oxunsa. Haçan ayağına
bir daş toxunsa, Bunu bildiyimə şübhən olmasın.
Qocalıq hökmümü verdin sən indi, Düşür
saçlarıma bəyaz dən indi. Sevincim, şadlığım
bütöv sənindi, Dərdi böldüyümə şübhən olmasın.
Mənə bəxş etdiyin lal baxışları, Onları bəzəyən bu
naxışları, Gözümdən süzülür qəm yağışları, Tənha
sildiyimə şübhən olmasın. Gör harda qırıldı, harda
incəldi?! Gedirəm, bəlkə də könlüm dincəldi.
Əzrayıl donunda həsrətin gəldi, Daha öldüyümə
şübhən olmasın.