Yenə günlər düzüləcək yan-yana,
kədər-sevinc gətirəcək insana...
İndi özün əzabımı duysana,
sevgin adlı xoş yuxudan ayılıb,
bulud kimi dolacağam,sevdiyim,
bir gün sənsiz qalacağam,sevdiyim!...
Arzu şirin,ömür şirin,gün şirin,
ürək dərdli,həsrət acı,sən şirin...
Yaxın gəlsən,üzə gülsən,qəm şirin;
sən ayrılıb gedəcəksən yanımdan,
boynubükük olacağam,sevdiyim,
bir gün sənsiz qalacağam,sevdiyim!...
Yenə səni gizlin-gizlin süzümmü?
ürəyimi bu həsrətlə üzümmü...
Sən ayrılıb gedəcəksən;dözümmü!...
Bu ayrılıq olacaqmı əbədi?...
Xəyallara dalacağam,sevdiyim,
bir gün sənsiz qalacağam,sevdiyim!...
sənsiz tənha qalacağam,sevdiyim!...