Mənə bir yalan danış
Uşaqlıq nağıllarındakı kimi
Xeyrin şərə, işığın zülmətə
Qalib gəlməsindən danış.

Mənə bir yalan danış.
Gözlərimdəki ümüdsüzlüyün
Haçansa öləcəyindən danış
Puç olmuş gəncliyimin
Nə vaxtısa geri qayıdacağından danış.

Mənə bir yalan danış.
Artıq həqiqətlərin amansızlığından bezmişəm.
İstəmirəm acı həqiqətləri
İstəmirəm həqiqətin üzümə vurduğu şillələri

Mənə bir yalan danış.
Qocalar evindəki, o qocanın
Nə vaxtsa nəvə əlindən tutacağından danış

Mənə bir yalan danış
Axı sən bacararsan bunu
Bir vaxt dediyin o xoş günlərin
Artıq başlandığını danış
Mənə bir yalan danış
Bilirəm bacaracaqsan... Danış