Ilişmişəm gözlərində qalmışam..
Burax gedim buralardan, ay gecə..
Kor quyuda zil qaranlıq olmuşam..
Seçilmirəm qaralardan, ay gecə...
Yıxılmışam, yağış döyür, gün döyür..
Elə məni aynalarda mən döyür..
Bir yaranı əlli-altmış qəm döyür..
Yarımışam yaralardan, ay gecə...
Yer fırlanır, göy hərlənir içimdə..
Dünya gəlib qəhərlənir içimdə..
Umudlarım zəhərlənir içimdə..
Xəbər yoxmu...oralardan, ay gecə...
Axşam olur, sağ tərəfim sol olur..
Sər qarışır, ürəyimə çor olur..
Bir sabaha min gecəlik yol olur..
Hara gedim haralardan, ay gecə...