Öz hökmunu verib vaxtsız-vədəsiz ,
Yaman qocaltmisan anamı, dünya.
Tükənib qüvvəti, azalıb gücü,
Yaman qocaltmisan anamı, dünya.
Zamanmı əsdirir, titrəyir əli,
Saça qarmi yağıb, ağarır teli,
Əyilir qaməti, bükülür beli,
Yaman qocaltmisan anamı, dünya.
Çatılır qaşları, tor görür gözü,
Solur yanaqları, qırışır üzü.
Daha sinəsində tükənir sözü,
Yaman qocaltmisan anamı, dünya,
O günlər qayıdıb yenə olaydı,
Başımın üstündə laylay çalaydı.
Kaş anam həmişə cavan qalaydi,
Yaman qocaltmisan anamı, dünya,