Zamanın insana vurduğu dərdin,
Nə qədər axtarsan dərmanı olmaz.
Özgənin adından böhtan deyənin,
Şəxsi mənliyində vicdanı olmaz.
Mənim bu sözümü gəl düşün dərin,
Heç zaman yolçusu olma sən şərin,
Unutma pis yolla yüksələnlərin,
Heç zaman əbədi ad, sanı olmaz.
Birisi səhv yolla addımlayarsa,
Öz əziz ömrünü boş yaşayarsa,
Doğrunu bilərək yalan sayarsa,
Onun ürək adlı orqanı olmaz.
Kimlərsə kimisə əzib keçərsə,
Yaxşı yol qalaraq pisi seçərsə,
Mənəvi baxımdan qanlar içərsə,
Məncə o şəxslərin imanı olmaz.
Düşünmə qəlbini silib Əliyev,
Bəlkə hər şeyi səhv bilib Əliyev,
Axırda bu fikrə gəlib Əliyev,
Qurban olmayanın qurbanı olmaz.
Allahşükür Əliyev