Sən sevgidən ağladınmı?
Gözlərindən axdımı yaş ?
Sən sevgidən ağladınmı ?
Əridinmi yavaş-yavaş ?
Sən sevgidən ağladınmı?
Tor gəldimi gözlərinə ?
Şeh düşdümü izlərinə ?
Gözləməkdən usanmayıb,
Güvəndinmi dizlərinə,
Sən sevgidən ağladınmı?
Səbəb bilib qısqanclığı,
Qarğıyaraq ayrılığı,
Yaranan o soyuqluğu,
Görə-görə, bilə-bilə,
Ona ümid bağladınmı?
Sən sevgidən ağladınmı?
Əzab verdi sene hər dəm,
Çıxarmadın onu qəlbdən.
Gecələri oyaq qalıb,
Qovruldunmu dərddən, qəmdən ?
Sən sevgidən ağladınmı ?