Yetişdi ayrılıq günü
Ay ömrümün ayı, günü
Unutma yaşanan dünü
Sen yoluna, men yoluma.
Eşq yolu, hicran yolu var
Su yolu, həm qan yolu var
Get, qarşında xan yolu var
Sən yoluna, mən yoluma.
Bu yolların kədəri çox
Sevgisi ac, hicranı tox
Bu sevdaya deyerek "yox",
Sen yoluna, men yoluma.
De, bir olan nəyimiz var?
Tək, qəlbim bağlamış qubar
Get ürək paramı apar
Sən yoluna, mən yoluma.
Var bu yolun yolayrıcı,
Sağı şirin, solu acı
Sağıynan get başım tacı
Sən yoluna mən yoluma.
Bu sevginin yox yiyəsi
Ayrılığın yox niyəsi
Bir sözümüz var deyəsi-
"Sən yoluna mən yoluma"
İşlədirik böyük günah
Peşimanıq bil ki, sabah
Get köməyin olsun ALLAH
Sən yoluna, mən yoluma.