Yuxuma gəlirsən hər axşam,
Əllərin gəzir ipək saçımda,
Yox olub gedir ağrı acımda,
Əllərin gəzir ipək saçımda.

Səsin həzin-həzin qulaqlarıma
Bir sevgi nəğməsi pıçıldayır,
Nəfəsin dəydikcə yanaqlarıma,
Qəlbim kaman kimi sızıldayır.

Səni istiyir al dodaqlarım,
Canımı odlara qala deyir,
Deyir ki getmə, qal, dodaqlarım,
Ruhunu ruhuma cala deyir.

Qara gözlərinin dərinliyində,
Çimmək istəyirəm sabaha kimi.
Bu zülmət gecədə girib qoynuna,
Duymaq istəyirəm sənin ətrini.