XƏYALINDAN ÖPÜRƏM!
Afaq ŞIXLI


Bu gün ayrılığına
Məbəd deyib gəlmişəm.
Solmuş ümidlərimdən
Kəfən geyib gəlmişəm.

Boş qaytarma əlimi,
Məni qaytar mənə ver!
Elə uzaqlaşaq ki,
Yalan olsun göylə yer!

Sən hara, sevmək hara!
Sevgi qırar inadı!
Bir də, kiməsə deyib
Gözdən salma bu adı.

Bitsin sevgi söhbəti!
Yanıb qovruldu ürək...
Sənə dost da demərəm,
Dosta inanmaq gərək!

Dünənlər səndə qalsın,
Dəyəri yox götürəm
Unutmaq diləyilə
Xəyalından öpürəm...