əndən yaman yanıqlıyam
saçlarıma düşən dən
Nədən düşdün
Söylə nədən
Bənzər ömrüm
Tər çiçəyə,gülə mənim
Nə yaşım var hələ mənim?
Fikirdənmi məni tapdın
Yoxsa mənmi səni tapdım
De,kim-kimi tapdı belə
Nə yaşım var mənim hələ?
Dərdim artır saçlarımda
artdıqca sən.
Heç insafın yoxmuş sənin
a zalım dən
Artmamaqçün saçlarımda
Necə tutum səni dilə
Ay insafsız…
nə yaşım var mənim hələ.
Sığal çəkib qara telə,
hey gəzərdim
o tin,
bu tin
Oğramışdım ürəyini
qara gözlü bir gözəlin
Vurulmuşdu o qız mənə
bir könüldən,
min könülə
Ay insafsız…
Nə yaşım varmənim hələ.
Sən artdıqca saçlarımda
röya dolu nağıllardan
uzaq düşdüm
Sən artdıqca saçlarımda
şirin-şirin
xəyallardan uzaq düşdüm
Vida dedim
nağıl dolu
xəyal dolu
Neçə aya,
neçə ilə
Ay insafsız…
Nə yaşım var mənim hələ?
Pərt elədi bu gün məni
saçlarıma düşən
dən də
Mənim kimi vardı belə
pərt olan da,
düşmən kimi sevinən də.
Bir dostum da sığal çəkdi
saçlarıma
gülə-gülə.
A zalım dən…
nə yaşım var mənim hələ
İndən belə sənlə birgə gedəcəyəm
qalan yolu
Heç olmasa qalan yolda
görə bilim
sağı,
solu.
Bir ricam var,a dən səndən
boş başimi bir sirkələ
Ay insafsız…
nə yaşım var mənim hələ.