Demirəm qaytaraq ötən günləri,
Son dəfə görüşə gəl,gedirəm mən.
Demirəm sən ağla mənim dalımca,
Uzaqdan dur eylə əl,gedirəm mən
Bu uğursuz eşqə düşdüyüm gündən,
Bir an sevinmədim,gülmədim heç mən.
Vallah incimirəm sevgilim səndən.
Adımı qəlbindən sil,gedirəm mən.
Demirəm məni gəz,məni soraqla,
Ömürlük qəlbində xatirə saxla.
Hər kimi sevirsən sev,könül bağla,
Dərdini onunla böl,gedirəm mən...