Atamı, anamı aldın əlimdən,
Axırda qoydunmu tek meni,dünya.
Yerdən-yerə vura-vura sınadın,
Çəkdin imtahana çək məni,dünya.

Elə körpəlikdən qəsdimə girdin,
Əziyyət camında əzab içirdin.
Xəlbirin gözündən yaxşı keçirdin,
Xəlbirdən ələyə tök məni,dünya.

Şeş verib,yek verib mənim də nərdim,
Vaxt olub qarşımda diz çöküb dərdim.
Sənin tufanina çox sinə gərdim,
Indi əssə yıxar meh məni,dünya.

Hər saat söz olub düzülmək olmur,
Bal tək ürəklərə süzülmək olmur.
Sən elə gözəlsən üzülmək olmur,
Bəlkə bir də bitdim ək məni,dünya.

Səbrim tükənəndə səbri itirdin,
Verdiyin qərarı əmri, itirdin.
Günü günə satdın ömrü itirdin,
Nə yaman aldatdın Bəhməni,dünya.