Bir səhər yuxulu durdu yerindən,
Geyindi paltarı,çəkməni getdi.
Bilmədim məramı, məqsədi nədi,
Verdi bu dünyaya beh məni getdi.

Qarşılaşdıq əhvalımı sormadı,
Zalım məni bu səfərdə yormadı.
Yoldaşlığı axıracan varmadı,
Qoydu bu yollarda tək məni getdi.

Vəfanı , ilqarı izlədi Bəhmən,
Çox yerdə dərdini gizlədi Bəhmən.
Dayandı,ömrü gözlədi Bəhmən,
Ömür gözləmədi Bəhməni, getdi..